کراچی(آن لائن) کراچی کے علاقے ڈیفنس میں نجی ٹی چینل کے اینکر کو فائرنگ کرکے قتل کردیا گیا۔ پولیس کے مطابق ڈیفنس خیابان بخاری میں نامعلوم افراد کی فائرنگ سے اینکر مرید عباس زخمی ہوگئے تھے جنہیں جناح اسپتال منتقل کیا گیا تاہم وہ زخموں کی تاب نہ لاتے ہوئے چل بسے۔ پولیس کا کہنا ہے کہ واقعہ ذاتی دشمنی کی وجہ سے پیش آیا۔ مرید عباس کی لاش جناح اسپتال کے سرد خانے منتقل کردی گئی ہے۔ آئی جی سندھ نے واقعے کا نوٹس لیکر ڈی آئی جی ساؤتھ سے

فی الفور رپورٹ طلب کرلی یے۔ملوث ملزمان کی گرفتاری کے لئے پولیس ٹیم تشکیل دی جائے جبکہ جائے وقوعہ سے اکٹھا شواہدکی جدید اور فارنزک چھان بین کی جائے اور ملزمان کی جلد سے جلد گرفتاری کو یقینی بنایا جائے۔آئی جی سندھ ڈاکٹر سیدکلیم امام نے خیابان بخاری میں کارپرفائرنگ کے واقعہ میں اینکر پرسن مریدعباس کے جاں بحق ہونیکے حوالے سے میڈیا رپورٹس پرڈی آئی جی ساؤتھ سے فی الفور تفصیلات طلب کرتے ہوئے ہدایات جاری کی ہیں کہ واقعہ میں ملوث ملزمان کی گرفتاری کے لیئے پولیس ٹیم تشکیل دی جائے۔انہوں نے کہا کہ کرائم سین سے اکٹھا شواہد کی جدیداورفارنزک تیکنیکس سے چھان بین کرکے ملزمان کوجلد سے جلدگرفتاری کویقینی بنایا جائے۔کراچی یونین آف جرنلسٹس دستور نے ڈیفنس کراچی میں فائرنگ کے واقعے میں بول ٹی کے اینکر مرید عباس کی ہلاکت پر گہرے دکھ اور افسوس کا اظہار کیا ہے، اپنے ایک بیان میں کے یو جے دستور کے صدر طارق ابوالحسن اور جنرل سیکریٹری محمد عارف خان نے مرید کا کہنا تھا کہ مرید عباس کی فائرنگ میں ہلاکت کا واقعہ شہر قائد میں بد امنی کی بد ترین مثال ہے اور شہر میں امن کی بحالی کے دعوی پر سوالیہ نشان ہے، رہنماوں نے مرحوم کے درجات کی بلندی اور لواحقین کے لئے صبر کی دعا کی ہے، رہنماوں نے پولیس حکام سے مرید عباس کے قتل میں ملوث افراد کی فوری گرفتاری اور سخت سے سخت سزا کا مطالبہ کیا ہے۔