اسلام آباد (مانیٹرنگ ڈیسک) بارشوں سے کراچی کی صورتحال ابتر، ہنگامی حالات سے نمٹنے کے لئے فوجی سے مدد طلب کر لی گئی۔آئی ایس پی آر کے مطابق ایڈمنسٹریشن کراچی نے بارشوں کے بعد پیدا شدہ صورتحال سے نبرد آزما ہونے کے لئے آرمی سے مدد مانگ لی جس پر آرمی چیف جنرل قمر جاوید باجوہ نے عوام کی مدد کیلئے ہدایات جاری کر دی ہیں۔

دوسری طرف وفاقی وزیر داخلہ احسن اقبال نے ڈی جی رینجرز کو بذریعہ فون بارش سے پیدا ہونے والے حالات پر گفتگو کی اور ڈی جی رینجرز کو ہدایات دی ہیں کہ وہ بارش سے پیدا صورتحال سے نمٹنے کے لئے ہر ممکن اقدام کریں۔ واضح رہے کہ گزشتہ ایک ہفتے سے کراچی میں بارش کا نہ رکنے والا سلسلہ جاری ہے جس کی وجہ سے گیارہ افراد جاں بحق ہو چکے ہیں اور کئی علاقوں میں پانی کھڑا ہونے کے باعث عوام شدید مشکلات سے دوچار ہیں۔

موضوعات:آرمی چیف جنرل قمر جاوید باجوہ کراچی بارشیں