راولپنڈی (این این آئی)پاکستان نے زمین سے زمین پر مار کر نے والے ابابیل میزائل کا کامیاب تجربہ کیا ہے ۔منگل کوڈی جی آئی ایس پی آر میجر جنرل آصف غفور کی جانب سے سوشل میڈیا پر جاری بیان کے مطابق پاکستان نے زمین سے زمین پر مار کر نے والے ابابیل میزائل کا کامیاب تجربہ کیا ہے۔بیان کے مطابق ابابیل میزائل کی رینج 2200کلو میٹر ہے ٗ

چیف آف آرمی سٹاف جنرل قمر جاوید باجوہ نے اہم کامیابی پر پاکستان کی مسلح افواج اور میزائل کی تیاری میں شریک ٹیم کو مبارکبا د پیش کی ہے ۔یہ میزائل ملٹی پل انڈیپنڈنٹ ری انٹری وہیکل کا حامل ہے اور متعدد جوہری وار ہیڈ لے جانے کی صلاحیت رکھتا ہے جبکہ دشمن کے ریڈار کو بھی باآسانی دھوکہ دینے کی صلاحیت رکھتا ہے۔ ڈی جی آئی ایس پی آر کا کہنا ہے کہ میزائل کے کامیاب تجربے سے پاکستان کی دفاعی صلاحیتوں میں مزید نکھار آئے گا۔

موضوعات:ابابیل پاکستان میزائل