اسلام آباد(مانیٹرنگ ڈیسک) نجی اخبار کی رپورٹ کے مطابق پاکستان پیپلز پارٹی کے شریک چیئرمین آصف علی زرداری نے سیاسی مضبوطی اور استحکام کیلئے بھٹو خاندان کے ساتھ مراسم کو نیا رخ دینے کا فیصلہ کیا ہے۔’’امت‘‘کے مطابق محترمہ بے نظیربھٹوکی بہن صنم بھٹوکی کوششوں سے آصف علی زرداری اور غنوی بھٹو فاطمہ بھٹو کا رشتہ بلاول بھٹو سے کروانے پر رضامند ہو گئے ہیں جبکہ ذولفقار بھٹو جونیئر کے شادی بختاور بھٹو یا آصفہ بھٹو سے ہو سکتی ہے۔

ذرائع نے دعوی کیا ہے کہ آصف زرداری نے غنوی بھٹو کو حلف پر یقین دہانی کروائی ہے کہ ان کا میر مرتضی بھٹو کے قتل سے کوئی تعلق نہیں ہے اور یہ بینظیر بھٹو حکومت کے خلاف ایک سازش تھی۔ذرائع کے مطابق فاطمہ بھٹو اور ذولفقار بھٹو جونئیر کو پیپلز پارٹی میں اہم عہدے بھی دیے جائیں گے۔ذرائع نے مزید بتایا کہ آصف علی زرداری گزشتہ ایک سال سے دونوں خاندانوں میں صلح کے لئے کوشاں تھے جس پر غنوی بھٹو رضامند نہیں تھیں،جس کے بعد انہوں نے صنم بھٹو کی مدد حاصل کی۔ رشتہ جوڑنے کے لئے ایک امریکی ہوٹل میں بلاول بھٹو زرداری اور فاطمہ بھٹو کے درمیان ملاقات بھی کروائی گئی جس میں آصف زرداری اور صنم بھٹو دونوں موجود تھے۔ذرائع کے مطابق اس خوشگوار ملاقات کے بعد دونوں خاندانوں کے بڑوں نے سکھ کا سانس لیا۔ واضح رہے کہ فاطمہ بھٹو کی جانب سے فی الحال ان خبروں کی تردید کی جا رہی ہے۔

موضوعات:آصف علی زرداری بلاول بھٹو بینظیر بھٹو صنم بھٹو فاطمہ بھٹو