ریاض(این این آئی)سعودی عرب میں خواتین نے ہوائی ٹریفک کنٹرولرکی تربیت حاصل کرکے باقائدہ کام شروع کردیا ہے اور جدہ میں قائم ایئرٹریفک کنٹرول سینٹر میں سعودی ایئر نیوی گیشن سروسز نے خواتین ہوائی ٹریفک کنٹرولر کے پہلے بیچ کی تقرری کاجشن منایا۔ سعودی عرب کی تاریخ میں یہ پہلی بار ہے کہ خواتین نے ہوائی ٹریفک کا نظام سنبھالا ہے۔

میڈیارپورٹس کے مطابق پہلے بیچ میں شامل گیارہ سعودی خواتین نے سعودی سول ایوی ایشن اکیڈمی کے تعاون سے سعودی ایئر نیوی گیشن سروسز کی جانب سے منعقدہ ہوائی ٹریفک قابو کرنے کے نظام سے متعلق ایک سال کی ٹریننگ مکمل کی ہے اور اب یہ باقاعدہ طور پر سعودی عرب کی ایئر نیویگیشن سروسز میں شامل ہوگئی ہیں۔ ان خواتین نے جدہ میں موجود ایئر ٹریفک کنٹرول سینٹرمیں فرائض انجام دینا شروع کر دئیے ہیں۔ سعودی ایئر نیوی گیشن سروسزکے اشتراک سے اکیڈمی کے اس اقدام کا مقصد خواتین کے لیے روزگار کے مواقع پیدا کرناہے تاکہ سعودی عرب کی معیشت کا انحصار تیل پرکم سے کم ہو سکے۔

موضوعات:سعودی عرب ہوائی ٹریفک کنٹرول