خرطوم (این این آئی)سیاسی عدم استحکام کے شکار افریقی ملک سوڈان کی پارلیمنٹ نے ملک میں چھ ماہ کے لیے ایمرجنسی نافذ کرنے کی قرارداد منظور کر لی ہے۔غیرملکی خبررساں ادار ے کے مطابق حکومت ایک سال کے لیے ایمرجنسی کا نفاذ چاہتی تھی لیکن اراکین پارلیمنٹ نے اِس حکومتی تجویز کے ساتھ اتفاق نہیں کیا۔ ایمرجنسی

نافذ کر کے صدر عمر البشیر اپنی حکومت کے خلاف جاری مظاہروں کے سلسلے کو روکنے کی کوشش ہیں۔ پارلیمنٹ سے منظور کی گئی ایمرجنسی کا نفاذ بائیس فروری سے کیا گیا ہے۔ عمر البشیر کی حکومت کے خلاف عوامی مظاہروں کا سلسلہ گزشتہ برس دسمبر سے جاری ہے۔ اس حکومت مخالف تحریک میں سوڈان کے تقریباً ہر طبقے کے افراد شامل ہیں۔

موضوعات:سوڈان