برلن (انٹرنیشنل ڈیسک)جرمن چانسلر انجیلا مرکل نے کہا ہے کہ ڈیڑھ ملین آرمینیائی باشندوں کا قتل عام کسی صورت بھلایا نہیں جانا چاہیے۔ میڈیا رپورٹ کے مطابق جرمن چانسلر مرکل نے یہ بات آرمینا کے وزیراعظم سے ملاقات میں بتائی۔ تاہم انھوں نے اس بیان میں قتل عام کے لیے

’نسل کشی‘ کا لفظ استعمال نہیں کیا۔ جرمن پارلیمان کی جانب سے 2016ء میں سلطنت عثمانیہ کے دور میں ترکوں کے ہاتھوں آرمینیائی باشندوں کے قتل عام کو ’نسل کشی‘ قرار دیا گیا تھا۔ تاہم اس پارلیمانی فیصلے کے بعد ترکی اور جرمنی کے درمیان تعلقات میں کشیدگی پیدا ہو گئی تھی۔

موضوعات:جرمن چانسلر