بیجنگ(انٹرنیشنل ڈیسک)چینی صدر شی جن پھنگ نے غیر قانونی ویکسین بنانے والی کمپنیوں کے خلاف کڑی کارروائی کا حکم دے دیا، عوام کی صحت سے کھلواڑ نہیں کرنے دیا جائے گا، بنیادی صحت کا تحفظ پہلی ترجیح ہے، غیر قانونی ویکسین گھناوْنااو ر قابل نفرت کام ہے۔چین کی سرکاری خبر رساں ایجنسی کے مطابق چین کے صدر شی جن پھنگ نے ویکسین کی غیر قانونی پیداوار کے کیس میں

تحقیقات کرنے اور ذمہ داروں کے خلاف سخت سزا کا حکم دیا ہے۔ چینی کیمونسٹ پارٹی کی مرکزی کمیٹی کے جنرل سیکرٹری اورمرکزی فوجی کمیشن کے چیر مین شی جن پھنگ نے اْس وقت حکم دیا ہے جب وہ غیر ملکی دورے کر رہے ہیں ۔شی نے کہا کہ لوگوں کی صحت پہلی ترجیح ہونی چاہیے اور بنیادی صحت کے تحفظ کے لیے پختہ طریقے سے حفاظت کی جانی چاہیے۔ انہوں نے کہا کہ چانگچن چانگشن لائف سائنسز لیمٹڈ کی جانب سے ویکسین کی غیر قانونی پیداوار گھناوْنااو ر قابل نفرت کام ہے۔شی نے کہا کہ متعلقہ محکمے اور مقامی اتھارٹیز کو قریب اور توجہ کے ساتھ فوری اس کیس کو حل کر کر سچ سامنے لانا چاہیے۔انہوں نے مزید کہا کہ سخت سزا اور سنجیدہ احتساب کے لیے تحقیقات ہونی چاہیں اور کیس کی پیش رفت کے حوالے سے بروقت لوگوں کو بتایا اور تشہیر کی جائے۔جبکہ چینی و وزیر اعظم لی کھہ چھیانگ نے ریاستی کونسل کو مذکورہ اشیا کی مکمل طرح سے تحقیقات کرنے کے لیے پیداواری اور تمام قسم کی ویکسین کی فروخت سمیت تمام شاخوں میں ٹیمیں بھیجنے کی ہدایت کی ہے۔لی کھہ چھیانگ نے کہا کہ حقائق جلد از جلدسامنے آنے چاہیں۔انہوں نے کہا کہ اس کیس ے میں کمپنیاں اور جو بھی ملوث ہیں انکے ساتھ کسی قسم کی رعایت نہ برتی جائے۔

موضوعات:چینی صدر