برلن/ماسکو(سی پی پی) روس کی سفارتی سطح پر تعلقات کی معطلی کے بعد اب امریکا اور جرمنی نے اس بات کی خواہش کا اظہار کیا ہے کہ وہ روس کے ساتھ سفارتی تعلقات مرحلہ وار بحال کرنا چاہتے ہیں۔برطانیہ میں سابقہ روسی جاسوس پر اعصاب شکن گیس حملے کی بعد سے برطانیہ اور روس کے درمیان حالات کشیدہ ہوگئے تھے۔غیرملکی خبررساں ادارے کے مطابق ماسکو میں امریکی سفارتخانے کی جانب سے جاری ایک ٹوئٹ میں کہا گیا

کہ ماسکو میں امریکی قونصل خانہ بند کردیا گیا ہے تاہم وہ مستقبل میں امریکاروس تعلقات کی بہتری کے لیے کام جاری رکھیں گے۔جرمن وزیر خارجہ کی جانب سے کہا گیا کہ گزشتہ کچھ سالوں کے دوران روسی طرز عمل منفی رہا جس کے باعث اعتماد کا فقدان رہا۔انہوں نے مزید کہا کہ اس وقت ہمیں خطے کے تنازعات کے حل اور خطے کو اسلحے سے پاک کر نے لیے روس کی بطور پارٹنر ضرورت ہے۔جرمن وزیر خارجہ نے یہ بھی کہا کہ ہم روس کے ساتھ تعلقات مرحلہ وار استوار کرنا چاہتے ہیں بشرطیکہ روس بھی ایسا چاہتا ہو۔

موضوعات:امریکا و جرمنی