اسلام آباد (مانیٹرنگ ڈیسک) عمران خان کی سابق اہلیہ جمائما خان نے تحریک انصاف کے چیئرمین عمران خان کے وزیراعظم بننے کو یہودی سازش قرار دیا ہے، تفصیلات کے مطابق عمران خان کی سابقہ اہلیہ جمائما خان پاکستان اور عمران خان کو نہیں بھول پائیں وہ اکثر پاکستان کے بارے میں اپنے جذبات کا اظہار کرتی رہتی ہیں، جمائما خان نے عمران خان کی سالگرہ پر ایک ٹوئٹ کی ہے ان کی ٹوئٹ سے قبل جمائما خان کے بھائی Ben Goldsmith نے سالگرہ کے موقع پر ٹوئٹ کی اور مبارکباد دیتے ہوئے کہا کہ

انشاء اللہ آپ پاکستان کے مستقبل کے وزیراعظم ہیں، اس موقع پر عمران خان کی سابق اہلیہ جمائما نے ایک دلچسپ ٹوئٹ کی جس کی سوشل میڈیا پر دھوم مچ گئی ہے، جب جمائما کے بھائی نے سالگرہ کے موقع پر ٹوئٹ کی تو جمائما خان بھی پیچھے نہ رہیں انہوں نے اپنے بھائی کی ٹوئٹ پر دلچسپ جواب دیا، جمائما خان نے عمران خان کے وزیراعظم بننے سے متعلق اپنے بھائی کی ٹوئٹ کو بھی مذاق میں یہودی سازش قرار دے دیا۔ جمائما کی اس ٹوئٹ کے بعد سوشل میڈیا کے صارفین خوب محظوظ ہو رہے ہیں۔

موضوعات:جمائما خان