واشنگٹن (آئی این پی)امریکی صدر ڈونلڈ ٹرمپ کی انتظامیہ نے میڈیا کے خلاف اعلان جنگ کر دیا،ٹرمپ انتظامیہ نے امریکا کے صف اول نیوز چینل پر وائٹ ہاؤس کی کوریج پر پابندی لگاتے ہوئے نمائندوں کو باہر نکال دیا جبکہ من پسند صحا فیوں کو وائٹ ہاؤ س کے بڑے بریفنگ روم کے بجائے چھوٹے دفتر میں بریفنگ دی گئی۔غیر ملکی میڈیا کے مطابق امریکی صدر ڈونلڈ ٹرمپ نے میڈیا کے خلاف اعلان جنگ کرتے ہوئے ان پر تنقید کرنے والے چینل پر وائٹ ہاؤ س کی کوریج کرنے پر پابندی لگادی

سین اسپائر کی بریفنگ کے دوران امریکا کے صف اول نیوز چینل کے نمائندوں کو باہر نکال دیا گیا جبکہ صدر ڈونلڈ ٹرمپ نے کنزرویٹو پولیٹیکل ایکشن کانفرنس کے دوران میڈیا کو آڑے ہاتھوں لیتے ہوئے صحافیوں کو بے ایمان اور کچھ اخبارات و ٹی وی چینلز کی خبروں کو جھوٹا اور من گھڑت قرار دیا انہوں نے کہا کہ پریس سے انہیں کوئی اختلاف نہیں لیکن ٹیبل اسٹوری چلانے والوں کے خلاف ہیں یہ لوگ ذرائع کا سہارا لیکر ٹرمپ انتظامیہ کو نشانہ بنانے سے باز رہیں۔واضح رہے کہ ٹرمپ کے خطاب کے بعد بریفنگ کے دوران وائٹ ہاس کے ترجمان شان اسپائسر نے امریکی ٹی وی سی این این ،برطانوی ٹی وی بی بی سی اور امریکی اخبار نیویارک ٹائمز،لاس اینجلس ٹائمز اور دیگر کو بریفنگ روم میں آنے نہیں دیا جبکہ من پسند صحا فیوں کو وائٹ ہاس کے بڑے بریفنگ روم کے بجائے چھوٹے دفتر میں بریفنگ دی گئی۔

موضوعات:ٹرمپ