برلن(این این آئی)جرمنی کی ایک فوجی چھاؤنی میں تضحیک آمیز رسومات اور جنسی طور پر ہراساں کرنے کے واقعات کی نئی تفصیلات سامنے آئی ہیں اور فلنڈورف کی چھاؤنی میں نئے بھرتی ہونے والوں کو زبردستی رقص کرنے پر مجبور کیا جاتا تھا ،واقعے کے بارے میں معلوم ہونے پر سات فوجیوں کو فوری طور پر معطّل کر دیا گیا ۔غیرملکی خبررساں ادارے کے مطابق ملکی وزارت دفاع نے ایک بیان میں بتایا کہ فلنڈورف کی

چھاؤنی میں نئے بھرتی ہونے والوں کو زبردستی رقص کرنے پر مجبور کیا جاتا تھا اور ان کے نازک اعضا پر ہاتھ لگائے جاتے تھے۔ جرمن وزیر دفاع ارزولا فان ڈیئر لائن نے ان واقعات پر شدید غم و غصے کا اظہار کیا ہے۔ نتیجے کے طور پر سات فوجیوں کو فوری طور پر معطّل کر دیا گیا ہے۔ بدھ کو وزارت دفاع کی کمیٹی نے ان واقعات کی چھان بین شروع کردی ہے ۔

موضوعات:جرمنی فوجی چھاؤنی