پنگریو(این این آئی)پنگریو اورگردونواح کے علاقوں میں ہیپاٹائٹس کا مرض انتہائی خطرناک صورت اختیارکرگیا ہے اوراس مرض کے باعث ہونے والی اموات بھی تشویشناک حد تک بڑھ گئی ہیں اس سلسلے میں مزیدتین افرادجن میں پریس کلب پنگریو کے سابق صدرطارق بشیرکمبوہ کے چچا محمداسحاق.پرائمری ٹیچر

سچل احمدانی اورپنگریو کے سیاسی وسماجی رہنما راناسلیم کی اہلیہ اس مرض کے باعث فوت ہوگئے۔ جس سے علاقے میں ہیپاٹائٹس کے باعث فوت ہونے والوں کی مجموعی تعداد تین سو سے تجاوزکرگئی ہے جبکہ سکیڑوں افراد اس مرض کا شکار ہیں پنگریو کے نواحی دوبڑے دیہاتوں حاجی دین محمد اوربخشو خان لوند سمیت چھوٹے بڑے قصبوں دیہاتوں اورشہروں میں درجنوں مریض زندگی اورموت کی کشمکش میں مبتلا ہیں علاقے میں بڑے پیمانے پرہیپاٹائٹس کامرض پھیلنے اوراس مرض کے باعث ہونے والی اموات میں تشویشناک حد تک تیزی نے علاقے کے عوام میں خوف کی لہرپیداکردی ہے عوام جہاں اس مہلک مرض کے تیزی سے ہھیلا کے باعث تشویش میں مبتلا ہیں وہیں پرحکومت سندھ اوروفاقی حکومت کی بے حسی پربھی عوام میں شدید غم وغصے کا اظہار کررہے ہیں اس سلسلے میں مقامی ڈاکٹروں کا کہنا ہے کہ پنگریو اوردیگرملحقہ علاقوں میں زیرزمین پانی انتہائی مضرصحت ہے مگرنہری پانی کی قلت کے باعث عوام یہ مضرصحت پانی استعمال کررہے ہیں جس کی وجہ سے ہیپاٹائٹس کا مرض تیزی سے پھیل رہا ہے مگروفاقی اورسندھ حکومت کی جانب سے اس سنگین معاملے کا نوٹس نہیں لیا جارہامتاثرہ مریضوں کے ساتھ ساتھ مرض کے مزید پھیلاکوروکنے کے لیے ویکسین بھی نہیں کی جاریی جس کی وجہ سے یہ مرض مزیدخطرناک حدتک پھیلنے اوراموات کی شرح مزیدبڑھنیکا خدشہ پیداہوگیا ہے علاقے کے سماجی اورعوامی حلقوں نے وزیراعظم پاکستان اوروزیراعلی سندھ سے اپیل کی ہے کہ اس سنگین معاملے کا فوری نوٹس لیا جائے اور فوری طورپرمتاثرہ مریضوں کوویکسین اوردیگرادویات فراہم کرنے کے ساتھ ساتھ اس مرض کے پھیلا کوروکنے کے اقدامات کیے جائیں تاکہ اس مرض کے باعث ہونے والی اموات روکی جاسکیں۔

موضوعات:ہیپاٹائٹس