انسداد دہشت گردی قومی ایکشن پلان کیلئے پارلیمانی کمیٹی کی سربراہی چوہدری نثار کو سونپنے پر ایم کیو ایم اور پی پی کے بعض ارکان کا تحفظات کا اظہار: اسلام آباد دہشت گردی کے خلاف قومی ایکشن پلان کی تیاری کیلئے قائم کی گئی پارلیمانی کمیٹی کی سربراہی چوہدری نثار علی خان کو دیے جانے پر پارلیمنٹ میں موجود دو اہم سیاسی جماعتوں پاکستان پیپلزپارٹی اور ایم کیو ایم کے بعض اراکین نے تحفظات کا اظہار کرتے ہوئے کسی ذمہ دار حکومتی شخصیت کو کمیٹی کی قیادت سونپنے کا مطالبہ کیا ہے‘ ایم کیو ایم کے رہنماسنیٹر طاہر مشہدی نے کہا کہ دہشت گردی کے خلاف لائحہ عمل طے کرنے کیلئے بنائی گئی کمیٹی سیاسی جماعتوں کا مشترکہ فیصلہ ہے البتہ اس کی سربراہی چوہدری نثار کو نہیں ملنی چاہیے‘ ان کی اپنی پارٹی کے لوگوں کا ان پر اعتبار نہیں تو ہمیں کیا ہو گا‘ سنیٹر طاہر مشہدی کا کہنا تھا کہ ہم نے کراچی میں دہشت گردوں کے شواہد بھی چوہدری نثار کو پیش کیے تھے مگر انھوں نے کوئی کاروائی نہیں کی۔ یاد رہے کہ اس سے پہلے پیپلزپارٹی کے ایک رہنما سنیٹر سعید غنی نے بھی کچھ ایسے ہی خیالات کا اظہار کیا تھا۔