کراچی(این این آئی) ڈرامہ سیریل ’’خانی‘‘کے ذریعے شہرت حاصل کرنے والے نامور پاکستانی اداکار فیروز خان نے ان کی بیوی سے متعلق مذاق کرنے پر نجی چینل کی ایوارڈ انتظامیہ کو کھری کھری سنادیں۔حال ہی میں پاکستان کے نجی چینل کی جانب سے ایوارڈ کی تقریب منعقد کی گئی جس میں میزبان نے تقریب کے ماحول کو خوشگوار بنانے کے لیے چھوٹا سامذاق کرتے ہوئے کہا کہ اس سال پاکستان ٹی وی انڈسٹری میں کئی نئی جوڑیاں سامنے آ ئی ہیں جیسے اقرا عزیز، فرحان سعید کی جوڑی، احد اور سجل کی جوڑی اور فیروز خان اور علیزے کی جوڑی۔اسکرپٹ میں فیروز خان اور ان کی اہلیہ کانام

شامل نہیں تھا اوراسی بات کو لے کر فیروز خان غصے میں آ گئی اور ٹوئٹر پر ایوارڈ انتظامیہ کو کھری کھری سناتے ہوئے کہاکہ اگلی بار اگر کسی ایوارڈ شو میں میری فیملی کے ساتھ مذاق کیا گیا تو میں اس کا بائیکاٹ کردوں گا، میں شوبز کا حصہ ہوں میری فیملی نہیں لہٰذا بولنے سے پہلے ایک بار سوچ لیں۔فیروز خان کے اس رویے کو کئی سوشل میڈیا صارفین نے شہرت حاصل کرنے کا ہتھکنڈا بتاتے ہوئے کہا کہ ایوارڈ شو کے میزبانوں نے آ پ کی بیوی کے ساتھ کوئی مذاق نہیں کیا تھا وہ صرف ایک لائن تھی اور اس میں مذاق کا کوئی پہلو بھی نہیں نکلتا لہٰذا اس بات پر اتنے طیش میں آنے کی ضرورت نہیں تھی۔

موضوعات:فیروز خان