اسلام آباد(مانیٹرنگ ڈیسک)سابق چیف جج گلگت بلتستان رانا شمیم کے صاحبزادے احمد حسن رانا نے نجی ٹی وی پروگرام میں گفتگو کرتے ہوئے کہا ہے کہ”میں سیاست میں آگیا ہوں، خان صاحب کی گِلی اڑا کر دکھائوں گا۔

احمد حسن رانا نے کہاکہ سعید اجمل کو ”تیسرا” کرانا نہیں آتا تھا لیکن میں تیسرا کراسکتا ہوں،اس موقع پر پروگرام کے میزبان منصور علی خان نے کہا کہ ”جوحالات لگ رہے ہیں کہیں آپ کی ہی وکٹ نہ اڑجائے”، جواب میں احمد حسن رانا کا کہنا تھا کہ ایسا آپ کو لگ رہا ہے ، میں تو بہت ریلیکس ہوں ، لندن چھٹیاں گزارنے آیا ہوں ، علاوہ ازیں میڈیا سے بات چیت کرتے ہوئے انہوں نے کہا کہ وہ مستقبل میں سیاست کریں گے، سیاسی جماعت کا نام شان پاکستان ہے۔احمد حسن رانانے کہا کہ وہ تحریک انصاف یا مسلم لیگ ن کا حصہ نہیں بنیں گے، دورہ لندن میں نوازشریف یا شریف خاندان سے رابطہ نہیں ہوا،ایڈووکیٹ احمد حسن رانا نے مزید کہا ہے کہ رانا شمیم حلف نامہ اورثاقب نثار کی لیک آڈیو سچ ثابت ہوگئی تو عمران خان کی حکومت گر جائے گی۔

موضوعات:احمد حسن رانا