لاہور(این این آئی) فیڈرل بورڈ آف ریو نیو نے اربوں مالیت کی جائیدادیں چھپانے والوں کا کھوج لگا لیا۔ ایف بی آرذرائع کے مطابق چیف کمشنر نے بطور ڈی جی سپیشل انیشئیٹیو لینڈاونر شپ کا ریکارڈ مرتب کیا ہے جس میں 50لاکھ سے1 ارب مالیت کی جائیدادیں خریدنے والوں کا ریکارڈ مرتب کیا گیاہے۔مالی سال 2017-18میں لاہور سمیت ملک بھر میں 78ہزار پراپرٹیز خریدی گئیں جن میں سے لاہور

سے تعلق رکھنے والے 1500افرادنے 6216پراپرٹیز خریدیں۔ریکارڈ میں انکشاف ہوا ہے کہ اربوں روپے مالیت کی 1976پراپرٹیزگوشواروں میں ظاہر نہیں کی گئیں اور کروڑوں کی پراپرٹی خریدنیوالے 110لاہورسے تعلق رکھنے والے سرمایہ کارنان فائلر نکلے۔ایف بی آر نے 1976غیر ظاہرکردہ جائیدادوں کے مالکان کو نوٹسز جاری کر تے ہوئے ان سے 15روز میں جواب طلب کر لیا ہے۔

موضوعات:فیڈرل بورڈ آف ریو نیو