لاہور( این این آئی )محکمہ داخلہ پنجاب نے نیب کے اسیران سے عام افراد کے ملنے پر پابندی عائد کر دی، صرف خونی رشتہ دار ہی نیب کیسز میں جیل میں بند قیدیوں سے ملاقات کر سکیں گے۔بتایا گیا ہے کہ (ن) لیگ کے رہنما شہبازشریف نے پیرا گون ہائوسنگ سکینڈل میں گرفتار خواجہ سعد رفیق اور خواجہ سلمان رفیق سے ملاقات کی اجازت مانگی تو انہیں بتایا گیا کہ نیب کے قیدیوں سے صرف

ان کے اہل خانہ مل سکتے ہیں۔یاد رہے کہ اس سے قبل محکمہ داخلہ پنجاب نوازشریف اور رانا ثنا اللہ سے بھی عام ملاقات پر بھی پابندی عائد کر چکا ہے جس کے باعث شہباز شریف کو عدالتی راہداری میں رانا ثنا اللہ سے ملاقات کرنی پڑی تھی۔نواز شریف ،خواجہ سعد رفیق، خواجہ سلمان رفیق ، حافظ نعمان ، احد چیمہ ، فواد حسن فواد سمیت دیگر سیاسی رہنمائوں اور شخصیات نیب کیسز میں جیلوں میں بند ہیں ۔

موضوعات:محکمہ داخلہ پنجاب