کراچی(آن لائن)سندھ حکومت کے خلاف اپوزیشن جماعتیں متحد ہوگئیں،تحریک انصاف ،ایم کیو ایم اور جی ڈی اے نے سندھ اسمبلی میں پیپلزپارٹی کو ٹف ٹائم دینے کیلئے حکمت عملی طے کرلی۔،تفصیلات کے مطابق سربراہ پاکستان مسلم لیگ فنکشنل پیرصدرالدین شاہ راشدی کی زیر صدارت ان کی رہاش گاہ پر سندھ اسمبلی میں اپوزیشن جماعتوں کے رہنماوں کا اجلاس ہوا۔اجلاس میں ایم کیوایم۔جی ڈی اے۔تحریک انصاف کے پارلیمانی رہنماؤں فردوس شمیم نقوی۔ حسنین مراز۔محمدحیسن۔نصرت سحرعباسی۔نند کمارگھوکلانی۔سردار عبدالرحیم ودیگر شریک ہوئے۔

اجلاس میں سندھ اسمبلی میں مشترکہ طور پراپوزیشن کے معاملات پرمشاورت کی گئی،۔اجلاس میں پبلک اکاونٹس کمیٹی اور قائمہ کمیٹی سمیت دیگرامور پرتبادلہ خیال کیا گیا۔اجلاس کے کے بعد مشترکہ پریس کانفرنس کرتے ہوئے پیرصدرالدین شاہ راشدی نے کہا کہ۔نیوزی لینڈ سانحے پرمذمت کرتے ہیں مسلمان جس خطے میں رہتے ہیں اللہ تعالی وہاں امن وسکون کرے۔ اجلاس میں سندھ اسمبلی کی صورتحال پرتبادلہ خیال کیا گیا یے۔پیپلزپارٹی گیارہ سال کے بعد عوام سے رابطہ کرنے کیلئے نکل رہی ہے۔عوام کے ساتھ ہونے والی گیارہ سال کی زیادتیوں کا پیپلزپارٹی کو حساب دینا ہوگا۔ہمارے لوگوں کو لالچ دی جارہی ہے۔لٹیروں سے نجات دلا کردم لیں گے۔آج پیر کو سندھ اسمبلی میں اجلاس سے قبل مشاورت کریں گے تحریک انصاف کے رہنمااور سندھ اسمبلی میں اپوزیشن لیڈر فردوس شمیم نقوی نے کہا کہ۔نیوزی لینڈ سانحے پر افسوس ہے۔دنیا ایک گلوبل ولیج ہے۔۔ہمیں امن چاہیے۔چھ جنوری سے لیکر اب تک سندھ اسمبلی چلائی جارہی ہے جیسے گھر کی لونڈی ہو۔اسپیکراسمبلی صاحب سے کہہ دیں کہ اپنی بی ایم ڈبلیوسنبھال کررکھیں۔بھائی پپو میاں بیانات سے کام لے رہے ہیں۔۔پانامہ میں تو صرف اقامہ کا زکر تھا لیکن اب پیپلزپارٹی کا پاجامہ کا زکر آنے والا ہے۔ہمیں پبلک اکاؤنٹس کمیٹیاں دو ہمارا حق ہے۔۔انہوں نے کہا کہ گردن میں سریے نکالے جائیں گے۔۔آج پبلک اکاونٹس کمیٹیوں کے بعد اپنا لائحہ عمل کااعلان کریں گے۔ایم کیو ایم کے رہنما اور رکن اسمبلی محمدحسین نے کہا کہ ہمارا متفق ایجنڈا یے کہ پاکستان پیپلزپارٹی کی حکومت سے عوام کو چھٹکارہ دلایا جائے دس سال پہلے جو مشکالات تھیں وہ آج مزید بڑھ گئی۔پیپلزپارٹی کی حکومت ملکی خزانے کو لوٹنے کیلیے کام کررہی ہے۔۔اپوزیشن اپنے کردار میں مضبوط ہے۔عوامی مسائل کوحل کروانے کے ہم ذمہ دار ہیں۔۔ہم سندھ کے عوام کا مقدمہ سندھ اسمبلی میں لڑتے رہیں گے۔

موضوعات:سندھ حکومت کے خلاف اپوزیشن جماعتیں متحد