لاہور(آئی این پی ) پاکستان مسلم لیگ کے مرکزی سیکرٹری اطلاعات سینیٹر کامل علی آغا نے کہا ہے کہ حمزہ شہباز جیسے بچوں کی تربیت ہی ٹھیک نہیں ہوئی اگر تربیت ہی ٹھیک نہ ہو تو اس میں کسی کا قصور نہیں وہ عین اپنی تربیت کے مطابق بول رہے ہیں، جمعہ کو کامل علی آغا نے حمزہ شہباز شریف کے بیان پر تبصرہ کرتے ہوئے کہا کہ حمزہ شہباز کی یادداشت کمزور ہے وہ دن یاد کریں جب پرویزمشرف کے

دوست بریگیڈیئر نیاز کی منتیں کرتے نہیں تھکتے تھے کہ ہمیں جلدی باہر بھجوائیں۔ کامل علی آغا نے کہا کہ حمزہ شہبازشریف اپنے والد شہبازشریف سے پوچھیں ان کی یادداشت ٹھیک ہو گی جب انہوں نے اعجاز بٹالوی کے ذریعے چودھری شجاعت حسین اور چودھری پرویزالٰہی کو پیغام دیا تھا کہ ہماری ضمانت جلدی کروائیں۔ انہوں نے کہا کہ جو جیل میں دو دن نہیں رہ سکتے وہ کس منہ سے باتیں کرتے ہیں۔

موضوعات:سینیٹر کامل علی آغا