اسلام آباد(مانیٹرنگ ڈیسک)ملک کے معروف صحافی و کئی کتابوں کے مصنف سہیل وڑائچ اپنے آج کے کالم میں ایک جگہ لکھتے ہیں کہ نوازی اور شہبازی گھوڑے اپنی صفیں درست کر رہےہیں جبکہ زرداری گھوڑے دلدل سے بچ کراگلی منزل تک پہنچنا چاہتے ہیں اگر اعتزاز احسن کو مشترکہ صدارتی امیدوار بنا لیاجائے اور مقتدر طاقتوں سے مہر تصدیق ثبت کروالی جائے اور یوں اعتزاز احسن کی لاٹری نکل آئے تو یہ ملک، قوم، حکومت، اپوزیشن اور فوج سب کے لئے بہتر ہوگا۔

زمان پارک کے اعتزاز احسن اپنے محلہ دار عمران خان سے بخوبی شناسا ہیں۔ بچپن اکٹھے کرکٹ کھیلتے گزرا۔ کیا اب اکٹھے چلنے کا کوئی راستہ نہیں نکل سکتا؟ ن لیگ کو چیئرمین سینیٹ کاعہدہ دیاجائے۔ پیپلزپارٹی کے اعتزاز احسن صدر اور پی ٹی آئی کو اس مدد کے بدلے میں اس کےمثبت اقدامات میں مدد کی جائے۔ پاکستان کو بدترین معاشی صورتحال سے نکالنے کےلئے سب متحد ہو جائیں۔ صدارتی الیکشن پر قومی وحدت کا مظاہرہ ہو جائے تو پاکستان کے مقدر کا ستارہ روشن ترین ہو جائے گا۔

موضوعات:اعتزاز احسن سہیل وڑائچ عمران خان