ممبئی (آئی این پی) نرگس فخری کو کترینہ کیف سے مشابہت کے باعث شرمندگی کا سامنا ، حال ہی میں مداح کی جانب سے کترینہ کہہ کر بلانے پر ایک بار پھر انہیں شرمندگی کا سامنا کرنا پڑگیا۔ بھارتی میڈیا کے مطابق نرگس فخری بھارت میں اپنی اداکاری کے باعث کم لیکن بالی ووڈ کی باربی ڈول کترینہ کیف سے مشابہت کے باعث زیادہ مشہور ہیں جس کے باعث اکثر انہیں پریشانی کا سامنا کرنا پڑتا ہے

حال ہی میں انہوں نے ٹویٹر پر ایک دلچسپ قصہ مداحوں کے ساتھ شیئر کیا، انہوں نے بتایا کہ حال ہی میں ایک شخص نے انہیں کترینہ کیف سمجھ کرایک سیلفی لینے کی درخواست کی، اجنبی شخص کی اس بات پر پہلے تو نرگس حیران رہ گئیں بعد ازاں انہوں نے شرمندہ لہجے میں اس کا شکریہ ادا کرتے ہوئے کہا میں کترینہ نہیں ہوں لیکن وہ شخص ڈٹا رہا اور کہا اگر آپ کترینہ نہیں ہیں تو کوئی بات نہیں میں پھر بھی آپ کے ساتھ تصویر کھینچوانا چاہوں گا کیونکہ آپ بہت خوبصورت ہیں اور کترینہ سے بہت زیادہ ملتی ہیں۔ اس نے نرگس کی مزید تعریف کرتے ہوئے کہا کہ آپ کے بران بال، بران آنکھیں، گوری رنگت اور لمبا قد سب کچھ کترینہ کیف جیسا ہے اس لیے کوئی بھی دھوکا کھا سکتا ہے تاہم اس وقت تو نرگس نے کچھ نہیں کہا اور چپ چاپ چلی گئیں بعد میں انہوں نے ٹویٹر پر اپنا ردعمل ظاہر کرتے ہوئے لکھا یہ بہت عجیب ہے کہ کوئی شخص آپ کے منع کرنے کے باوجود آپ کے ساتھ تصویر کھینچوانا چاہتا ہو، یہ انسان بھی نا۔

موضوعات:کترینہ نرگس