اسلام آباد(نیوز ڈیسک)اسٹیٹ بینک آف پاکستان نے آﺅٹ رائٹ پرچیز کے لئے 19 ارب 90 کروڑ روپے کی بولی منظور کرلی ہے۔ مرکزی بینک سے جمعہ کو جاری کردہ اعداد و شمار کے مطابق اسٹیٹ بینک نے جی آئی ایس کے آﺅٹ رائٹ پرچیز کے لئے اوپن مارکیٹ آپریشن منعقد کیا جس کے تحت جی آئی ایس 13 ایشو کے لئے دی جانے والی بولی 19 ارب 90 کروڑ روپے منطور کر لی گئی۔ اوپن مارکیٹ آپریشن میں پیش کردہ بولی کی رینج 100.5918 سے 100.1641 کے حساب سے 43 ارب 77 کروڑ 50 لاکھ روپے مقرر کی گئی تھی۔ نیلامی میں 31 بولی دہندگان نے شرکت کی جن میں سے 12 بولی دہندگان کی پیشکشوں کو منظور کیا گیا۔