برلن(آئی این پی)جرمن چانسلر انجیلا میرکل نے کہا ہے کہ شامی تنازعہ اقوام متحدہ کے منظور شدہ سیاسی طریقے سے حل ہونا ضروری ہے۔غیر ملکی میڈیا کے مطابق امریکی صدر ڈونلڈ ٹرمپ کے ساتھ ٹیلیفون پر گفتگو کرتے ہوئے شامی تنازعے کو اقوام متحدہ کے تجویز کردہ طریقہ کار کے تحت حل کرنے پر زور دیا ہے۔

جرمن چانسلر کے ترجمان اسٹیفان زائبیرٹ نے مزید کہا کہ چانسلر نے امریکی صدر پر واضح کیا کہ زہریلی گیس کے استعمال کے ردعمل میں داغے گئے امریکی میزائلوں کے بعد اب آگے بڑھنے کی ضرورت ہے تا کہ اِس تنازعے کو سیاسی انداز میں حل کیا جا سکے۔ ٹیلی فون پر یہ گفتگو پیر دس اپریل کو ہوئی تھی۔

موضوعات:شام