اسلام آباد(نیوز ڈیسک) قومی کرکٹ ٹیم کے سابق کپتان شاہد آفریدی کا پالتو کتا اسلام آباد سے گم ہوگیا ہے۔
سابق کپتان نے سوشل میڈیا کے ذریعے اپنے پالتو کتے کی گمشدگی کی اطلاع دی اور اسے تلاش کرنے میں مدد کے لیے رابطے کا نمبر بھی جاری کردیا۔شاہد آفریدی نے بتایا کہ یہ کتا ان کے خاندان کے ایک فرد کی طرح تھا اور اسے گھر میں انتہائی محبت سے پالا گیا۔
ان کے مطابق کتا گزشتہ چند روز سے علیل بھی تھا۔سابق کپتان نے شہریوں سے اپیل کی کہ اگر کسی شخص کو ان کا پالتو کتا نظر آئے یا اس کے بارے میں کوئی معلومات ملیں تو دیے گئے رابطہ نمبر پر اطلاع کی جائے۔واضح رہے کہ جولائی میں سابق قومی کپتان وسیم اکرم کا پالتو کتا بھی لاپتا ہوگیا تھا، تاہم بعد ازاں اسے تلاش کرلیا گیا تھا۔
