اسلام آباد (این این آئی)نادرا نے پاک آئی ڈی موبائل ایپ متعارف کرا دی جس کے تحت موبائل فون نادرا کا آن لائن دفتر بن گیا ہے۔نادرا کے آن لائن دفتر کے ذریعے اب شہری اپنے موبائل پر شناختی دستاویزات سے متعلق تمام سہولیات، نائیکوپ، پاکستان اوریجن کارڈ، ب فارم اور برتھ سرٹیفکیٹ، فیملی رجسٹریشن سرٹیفکیٹ کا حصول، شناختی کارڈ کی تجدید یا ترمیم اور ری پرنٹ کروا سکیں گے۔
اس کے علاوہ ڈیتھ سرٹیفکیٹ، جانشینی سرٹیفکیٹ کیلئے قانونی ورثا کی بائیو میٹرک تصدیق، تصویر اور بائیو میٹرک کی تصدیق کی مکمل کارروائی سمیت دیگر سہولیات نادرا کی پاک آئی ڈی موبائل ایپ کے ذریعے حاصل کی جا سکتی ہیں۔
