فیصل آباد(این این آئی)بابراعظم پریکٹس میچ کے دوران مقامی بولر کے ہاتھوں کلین بولڈ ہو گئے’ویڈیو سوشل میڈیا پر وائرل ہوگئی۔چیمپیئنز ون ڈے کپ 2024 کا افتتاحی ایڈیشن (آج)12 ستمبر کو فیصل آباد میں شروع ہوگا جس کے لیے شریک کھلاڑی بھرپور پریکٹس کر رہے ہیں۔
اسپاٹ لائٹ میں پاکستان کے وائٹ بال کے کپتان بابر اعظم بھی شامل ہیں جنہیں بین الاقوامی کرکٹ میں فارم میں حالیہ کمی کی وجہ سے تنقید کا سامنا ہے۔ٹورنامنٹ سے قبل پریکٹس میچ میں بابر اعظم کی پریشانیوں کا سلسلہ جاری رہا انہیں حیران کن طور پر مقامی نوجوان اسپنر نے کلین بولڈ کر دیا۔ان کے مقامی بولر کے ہاتھوں آؤٹ ہونے کی ویڈیو سوشل میڈیا پر وائرل ہوگئی۔ اپنی غیر معمولی تکنیک کے لیے مشہور بلے باز کو بائیں ہاتھ کے اسپنر محمد اصغر نے کلین بولڈ کیا۔
