میاں چنوں(این این آئی)پاکستان کے لیے پیرس اولمپکس میں طلائی کا تمغہ جیتنے والے ایتھلیٹ ارشد ندیم کے بڑے بھائی شاہد ندیم نے کہاہے کہ اگر ارشد کرکٹ کھیلتے تو شعیب اختر کی طرح ہوتے۔ایک انٹرویومیں ارشد ندیم کے بڑے بھائی شاہد ندیم نے بتایا کہ ارشد کو کرکٹ کھیلنے کا جنون کی حد تک شوق تھا ،اگر وہ آج کرکٹر ہوتے تو شعیب اختر کی طرح ہوتے۔
انہوں نے بتایا کہ ہمارے گائوں میں جیولن تھرو کیلئے کسی قسم کی کوئی سہولت میسر نہیں۔ایک سوال کے جواب میں شاہد ندیم نے بتایا کہ میں اور میرے بڑے بھائی بھی جیولن تھرو کرتے تھے لیکن ارشد کو کرکٹ کا بہت شوق تھا، لیکن وسائل اور سہولیات نہ ہونے کی وجہ سے ہم نے اسے اس جانب راغب کیا کیونکہ اس کی جسمانی ساخت بہت مضبوط ہے وہ ہم سے اچھی تھرو کرتا تھا۔
