کراچی (این این آئی)قومی کرکٹ ٹیم کے فاسٹ بولر شاہین شاہ آفریدی نے سوئنگ کے سلطان سابق کپتان وسیم اکرم کا ریکارڈ برابر کردیا۔شاہین نے ورلڈ کپ کے ایک ایڈیشن میں سب سے زیادہ وکٹیں لینے والے پاکستانی فاسٹ بولر کا ریکارڈ برابر کیا۔بائیں ہاتھ کے فاسٹ بولر نے ورلڈ کپ 2023 میں مجموعی طور پر 18 وکٹیں حاصل کیں۔

خیال رہے کہ وسیم اکرم نے بھی 1992 کے ورلڈ کپ میں 18 وکٹیں حاصل کی تھیں۔پاکستان کی جانب سے ایک ورلڈ کپ میں سب سے زیادہ وکٹیں لینے کا ریکارڈ شاہد آفریدی کا ہے۔ انہوں نے 2011 کے ورلڈ کپ میں 8 میچ کھیل کر 21 وکٹیں لی تھیں۔