لاہور (این این آئی)پاکستان کرکٹ ٹیم کے سابق کپتان شاہد آفریدی نے پی سی بی منیجمنٹ کمیٹی کے چیئرمین ذکا اشرف سے ملاقات کی ۔ ملاقات پی سی بی ہیڈ کوارٹر قذافی اسٹیڈیم میں ہوئی جس میں ذکا اشرف کی جانب سے شاہد آفریدی کی کرکٹ کی خدمات کی تعریف کی گئی ۔ ذکاء اشرف نے کہاکہ شاہد آفریدی پاکستان کے ہیرو اور سپر اسٹار ہیں، ہمیں آپ کے ساتھ کام کرکے خوشی ہوگی۔
شاہد آفریدی کی جانب سے ذکا اشرف کی کوششوں کی تعریف کی گئی ۔شاہد آفریدی کی جانب سے نوجوان کرکٹرز کو گروم کرنے میں دلچسپی کا اظہار کیا گیاانہوںنے کہاکہ نوجوان کرکٹرز کی صلاحیتوں سے فائدہ اٹھانا بہت ضروری ہے۔
