چنئی (این این آئی)پاکستان کرکٹ ٹیم کی مشکلات میں اضافہ ہوگیا، فاسٹ بولر حسن علی بخار میں مبتلا ہونے کی وجہ سے (آج) جمعہ کو جنوبی افریقا کے خلاف میچ سے باہر ہوگئے۔ذرائع کے مطابق حسن علی ٹیم کے پریکٹس سیشن میں بھی شریک نہیں ہوئے تاہم اب پی سی بی کے مطابق حسن علی (آج) جمعہ کو جنوبی افریقا کے خلاف میچ نہیں کھیلیں گے،انہیں بخار کی وجہ سے آرام دیا جائے گا۔
ذرائع کے مطابق حسن علی کی جگہ (آج) جمعہ کو جنوبی افریقا کے خلاف محمد وسیم جونیئر کو ٹیم میں شامل کیے جانے کا امکان ہے۔ واضح رہے کہ ورلڈکپ ٹورنامنٹ میں پاکستان ٹیم 14 اکتوبر کو بھارت، 20 اکتوبر کو سٹریلیا اور پھر 23 اکتوبر کو افغانستان سے شکست کے بعد ورلڈکپ سیمی فائنل میں کوالیفائی کرنے کے راستے دشوار کر چکی ہے۔پاکستان اب 27 اکتوبر کو اپنا اگلا میچ چنئی کے چدم برم اسٹیڈیم میں میگا ایونٹ کی مضبوط ترین ٹیم جنوبی افریقا کے خلاف کھیلے گا۔
