کابل(این این آئی)آئی سی سی ون ڈے ورلڈکپ میں افغانستان کے ہاتھوں پاکستان کو تاریخی شکست کے بعد طالبان کے اہم رہنما انس حقانی نے افغان ٹیم کو مبارکباد پیش کی ہے۔انس حقانی نے ایکس(سابقہ ٹوئٹر)پر بیان جاری کرتے ہوئے کہا کہ ہماری کرکٹ پہلے سے بہتر حالت میں ہے،پہلی بار ہم نے انگلینڈ اور پاکستان کو شکست دی، آپ سب کو اس عظیم کامیابی پر مبا رک ہو۔انہوں نے کہاکہ متحد ہوکر ایک ٹیم کے طور پر کام کرنے سے ہر چیز ممکن ہوجاتی ہے۔دوسری جانب پاکستان کے خلاف شاندار کامیابی کے بعد کابل میں آتش بازی اور ہوائی فائرنگ شروع ہوگئی اور جیت کا جشن منایا گیا۔