نئی دہلی (این این آئی) پاکستانی اسکواڈ سمیت تمام ٹیموں کے لیے بیف دستیاب نہیں ہو گا۔بھارتی میڈیا کے مطابق پاکستان ٹیم کے کھانے کے مینیو میں چانپیں، مٹن کڑاہی، بٹر چکن، گرلڈ فش، حیدر آباد کی مشہور بریانی شامل ہے۔
بھارتی میڈیا کے مطابق روزانہ کی بنیاد پر پروٹین والے کھانے میں مٹن، چکن، اور مچھلی شامل ہو گی۔بھارتی میڈیا کے مطابق پاکستان ٹیم نے اسٹیڈیم منتظمین سے باسمتی چاول، بولو گنیز ساس کے ساتھ اسپیگیٹیز اور سبزی پلاؤ کی فرمائش کی ہے جبکہ پاکستان ٹیم کے چیٹ میل میں حیدر آبادی بریانی شامل ہو گی۔واضح رہے کہ پاکستان ٹیم حیدر آباد میں تقریباً 2 ہفتے تک قیام کرے گی۔یاد رہے کہ پاکستان اور نیوزی لینڈ کے درمیان (آج) جمعہ کو وارم اپ میچ حیدر آباد میں شیڈول ہے۔
