لاہور / نئی دہلی (این این آئی)ورلڈ کپ کھیلنے کیلئے بھارت نے پاکستانی سکواڈ کے ویزے منظور کرلئے ہیں۔ای ایس پی این کرک انفو کے مطابق پی سی بی کی جانب سے انٹرنیشنل کرکٹ کونسل کو احتجاجی خط لکھے جانے کے بعد بھارت نے ویزے منظور کرلئے ہیں۔کرک انفو نے بتایا ہے کہ آئی سی سی نے تصدیق کی ہے کہ بھارتی حکومت نے ورلڈ کپ کیلئے پاکستانی سکواڈ کیلئے ویزوں کی منظوری دے دی ہے۔

پی سی بی ذرائع کے مطابق بھارت نے سیکیورٹی کلیئرنس کا این اوسی بھی جاری کردیا ہے جو بھارتی ہائی کمیشن کو موصول ہوگیا ہے، ویزے لگنے کے بعد پاسپورٹ (آج) منگل کو موصول ہونگے اور قومی سکواڈ 27ستمبر کو شیڈول کے تحت بھارت روانہ ہوگا۔