کیا اب بھی شاہد آفریدی فرنچائز کرکٹ کھیلیں گے؟ لالہ کا بیان سامنے آگیا

لاہور ( این این آئی) قومی کرکٹ ٹیم کے سابق چیف سلیکٹر اور کپتان شاہد آفریدی نے انکشاف کیا ہے کہ آئندہ آنے والے مہینوں میں وہ دوبارہ فرنچائز کرکٹ لیگز میں کھیلتے ہوئے دکھائی دیں گے۔نجی ٹی وی چینل کے پروگرام میں گفتگو کرتے ہوئے

شاہد آفریدی نے کہا کہ گزشتہ کچھ عرصے سے فٹنس پر کام کررہا تھا تو ٹورنامنٹس میں شرکت نہیں کرسکا تھا، مجھے گزشتہ برس ٹی10 یگ کھیلنے کی آفر ملی تھی لیکن میں کچھ ذاتی وابستگیوں کی وجہ سے وہاں نہیں جاسکا تاہم اس سال آفر ہوئی تو میں انشا اللہ کھیلوں گا۔انہوں نے مداحواں کے سوالات کا جواب دیتے ہوئے کہا کہ کینیڈا ٹی ٹونٹی لیگ، امریکی لیگ اور سندھ پریمیئر لیگ (ایس پی ایل)میں شرکت کروں گا، جہاں شائقین مجھے ایکشن میں دیکھ سکیں گے۔گزشتہ برس شاہد آفریدی نے قطر میں کھیلی گئی لیجنڈز لیگ میں ایشین لائنز کی کپتانی کے فرائض نبھائے تھے، انکی قیادت میں ایشین لائنز نے ٹائٹل اپنے نام کیا تھا۔