لندن (این این آئی) لندن میراتھن میں حصہ لینے والا ایتھلیٹ دوڑ ختم کرنے کے بعد انتقال کر گیا۔ غیر ملکی میڈیا رپورٹس کے مطابق اتوار کو 26.2میل طویل لندن میراتھن میں حصہ لینے والے 45سالہ ایتھیلٹ اسٹیو شینکس دوڑ ختم کر کے گھر جارہے تھے کے دوران سفر حرکت قلب بند ہونے کے باعث ان کی موت ہوگئی۔

ناٹنگھم سے تعلق رکھنے والے اسٹیو نے لندن میراتھن میں 26.2 میل کا فاصلہ 2 گھنٹے 53 منٹس اور 26 سیکنڈز میں مکمل کیا تھا۔میراتھن کے آرگنائزر نے کہا کہ اسٹیو کی موت کی وجہ میڈیکل جانچ پڑتال کے بعد معلوم ہوسکے گی۔ لندن میراتھن میں حصہ لینے والے ایتھلیٹس نے اسٹیو کی اچانک موت پر دکھ کا اظہار کیا ہے۔ واضح رہے کہ 26.2 میل طویل لندن میراتھن کینیا کے کیلون کیپٹم نے اپنے نام کی۔