اسلام آبا د(این این آئی)پاکستان کے ٹیسٹ کرکٹر فواد عالم سے قومی کرکٹرز اور آپس میں بہترین دوست حسن علی اور شاداب خان کے درمیان کبڈی میچ کے حوالے سے سوال کیا گیا تو انہوںنے بتایا کہ حسن علی آرام سے جیت جائیگا ۔ایک انٹرویومیں فواد عالم سے سوال کیا گیا اگر حسن علی اور شاداب کے درمیان کبڈی میچ کروایا جائے تو فاتح کون ہوگا؟کرکٹر نے کچھ سیکنڈ سوچنے کے بعد جواب دیا حسو (حسن علی) آرام سے جیت جائے گا۔میزبان نے سوال کیا کہ پنڈی ٹیسٹ میں آپ ٹیم میں شامل تھے، 28 سال بعد ایسا ہوا کہ ایک بندہ ٹیم میں ہے تاہم نہ کوئی بال کھیلی اور نہ کوئی بال پکڑی لیکن تنخواہ پوری ملی، بطور کرکٹر آپ کو کیسا لگا؟جواب میں فواد عالم نے تابش سے کہا کہ آپ کو کیسا لگے گا؟’ تابش نے جواب دیا بہت مزہ آئیگا جس پر فواد ہنستے ہوئے کھڑے ہوئے اور انہوں نے میزبان سے ہاتھ ملایا۔