اسلام آباد( مانیٹرنگ ڈیسک،آن لائن )کوہ پیمائوں نے کے ٹو سر کرنے کی مہم ختم کر دی۔میڈیا رپورٹس کے مطابق غیر ملکی کوہ پیمائوں نے مسلسل خراب موسم کے سبب کے ٹو سر کرنے کی مہم جوئی ختم کر دی ہے۔غیر ملکی کوہ پیما
کے ٹو کی سرمائی مہم ختم کر کے بیس کیمپ سے اسکردو روانہ ہو گئے ہیں۔ذرائع کے مطابق کے ٹو سرمائی مہم جوئی میں 50 سے زائد بین الاقوامی کوہ پیمائوں نے حصہ لیا جن کا تعلق 18ممالک سے تھا جب کہ 10 رکنی نیپالی ٹیم نے 16 جنوری کو کے ٹو سر کیا تھا۔دوسری جانب علی سد پارہ سمیت 2 غیرملکی کوہ پیماؤں کی تلاش کے لیے زمینی راستے سے مقامی کوہ پیماؤں کی 6 رْکنی ٹیم تشکیل دی گئی ہے۔علی سد پارہ سمیت 2 غیرملکی کوہ پیماؤں کی تلاش کے لیے گزشتہ روزشروع کیا جانے گرینڈ سرچ آپریشن خراب موسم کی وجہ سے معطل کیا گیا تھا ایک بارپھرشدید موسم کی وجہ سے روک دیا گیا ہے۔ ریسکیو ذرائع کے مطابق کےـ ٹو اوربلترو کے علاقے میں آسمان پرگہرے بادل ہیں اور زمینی راستے سے ریسکیو کے لیے مقامی کوہ پیماوں کی 6 رْکنی ٹیم تشکیل دی گئی ہے، زمینی ریسکیو ٹیم فضائی مشن کی رہنمائی میں ڈیتھ زون تک پہنچنے کی کوشش کرے گی۔ زمینی ریسکیو ٹیم کا آج کمشنر آفس میں خصوصی اجلاس ہوگا۔
