دبئی (یواین پی) انٹرنیشنل کرکٹ کونسل (آئی سی سی) کے انسداد بدعنوانی ٹریبیونل نے میچ فکسنگ کا الزام سچ ثابت ہونے پر دو اماراتی کھلاڑیوں پر پابندی عائد کردی ہے۔ میڈیا رپورٹس کے مطابق اماراتی کھلاڑیوں محمد نوید اور شائیمان انور کو میچ فکسنگ کا قصور وار

قرار دیا گیا ہے۔ متحدہ عرب امارات ٹیم کے کپتان محمد نوید اور بلے باز شائیمان انور پر 2019ء میں کرپشن کا الزام عائد کیا گیا تھا۔آئی سی سی کی جانب سے لگائے گئے الزامات کے مطابق محمد نوید اور شیمان انور نے ٹی 20 ورلڈ کپ 2019ء کیلئے کوالیفائی کرنیوالی اماراتی ٹیم کے کھلاڑیوں کو میچ فکسنگ کی پیش کش کی۔ اماراتی کرکٹ بورڈ نے محمد نوید پر ٹی 10 لیگ سے متعلق 2 کرپشن کیسز کا الزام لگایا تھا۔آئی سی سی کے جاری کردہ بیان میں بتایا گیا کہ ‘میچ فکسنگ کی تحقیقات کے دوران اماراتی ٹیم کے دونوں کھلاڑی جرائم کے مرتکب پائے گئے،محمد نوید اور شائیمان انور نے آئی سی سی کے انسداد بدعنوانی قوانین کی خلاف ورزی کی، جس کی بنیاد پر دونوں کی رکنیت معطل اور پابندیاں عائد کی جارہی ہیں،تحقیقات کے دوران ایک گواہ نے بیان گیا کہ محمد نوید نے اسے بولا تھا کہ میں کپتان ہوں اور ہم کچھ بھی کرسکتے ہیں’۔آئی سی سی اینٹی کرپشن یونٹ کے فیصلے میں بتایا گیا کہ ‘یو اے ای کے عمان اور

آئرلینڈ کیخلاف ہونیوالے میچز کے بارے میں کپتان محمد نوید نے کہا تھا کہ ‘وہ بائولنگ میں زیادہ رنز دیں گے جبکہ شائیمان انور اگر کریز پر موجود ہوئے تو چوتھے اور 5ویں اوور میں کم رنز بنائیں گے۔’ اینٹی کرپشن یونٹ نے کہا کہ گواہ اور محمد نوید کے درمیان واٹس ایپ پر ہونیوالی گفتگو سے معلوم ہوتا ہے کہ ان میچز میں ہزاروں ڈالرز کے عوض میچ فکسنگ پر گفتگو کی جا رہی تھی۔

موضوعات:ای سی سی