اسلام آباد(مانیٹرنگ ڈیسک)ڈیرن سیمی کو پاکستانی اعزازی شہریت دی گئی تو مجھے بھی پھر پاکستان کی اعزازی شہریت چاہیے ۔نیوزی لینڈ کے سابق کرکٹر ڈینی موریسن نے شہریت کا مطالبہ کر دیا ۔ تفصیلات کے مطابق پاکستان میں پی ایس ایل کا میلہ عروج پر ، غیر ملکی کھلاڑیوں پاکستانی ثقافت اور رنگ ڈھنگ میں ڈلنے لگے ۔ معروف کھلاڑی ڈینی موریسن نے کہا ہے کہ اگر ڈیرن سیمی کو پاکستانی اعزازی شہریت دی جاتی ہے تو
پھر میری خدمات کو بھی یاد رکھا جائے اور مجھے بھی پاکستانی شہریت دی جائے ۔ انہوں نے کہا ہے کہ میں کرکٹ کمنٹیٹر کی حیثیت سے پاکستان میں مسلسل آیا ہوں اور ہمیشہ پاکستانی کرکٹ کو بھی سپورٹی اور تعاون بھی کیا ۔ نیشنل اسٹیڈیم میں نجی ٹی وی سے گفتگو کے دوران ان کا کہنا تھا کہ پشاور زلمی کے کپتان اور ویسٹ انڈیز کے ڈیرن سیمی کو پاکستان کا سب سے بڑا سول اعزاز اور اعزازی شہریت دینا اچھا فیصلہ ہے۔
