کراچی(این این آئی)پاکستان کرکٹ ٹیم کے سابق کپتان شعیب ملک نا صرف کرکٹ کے میدان میں بلکہ عام زندگی میں بھی سب کے دل جیتنے کا فن خوب جانتے ہیں۔سوشل میڈیا پر ایک ویڈیو خوب وائرل ہورہی ہے جسے دیکھ کر شعیب ملک کے مداح ان کی تعریف کرنے پر مجبور ہو گئے ہیں۔شعیب ملک پاکستان سپر لیگ(پی ایس ایل)کی تیاری کیلئے نیشنل اسٹیڈیم کراچی میں ایک بچے کی موٹر سائیکل پر اس کے ساتھ بیٹھ کر پہنچے۔یہ دیکھ کر وہاں موجود سیکیورٹی اہلکار بھی مسکرائے بغیر نہ رہ سکے، جبکہ شعیب ملک نے مذکورہ بچے کی فرمائش پر ان کے
ساتھ تصویر بھی بنائی۔اس لمحے کی ویڈیو سوشل میڈیا پر وائرل ہو گئی ہے جس پر کرکٹ شائقین ایک چھوٹے بچے کیساتھ اس طرح محبت کا اظہار کرنے پر ان کی خوب تعریف کر رہے ہیں۔