لاہور(این این آئی) بھارتی کرکٹ بورڈ نے پاکستان میں رواں سال ہونے والے ایشیا کپ میں شرکت سے انکار کردیا۔پاکستان کو رواں سال ستمبر میں ایشیا کپ ٹی ٹونٹی ٹورنامنٹ کی میزبانی کرنا ہے، ایونٹ اکتوبر میں آسٹریلیا میں ہونے والے ورلڈکپ کی تیاریوں کے حوالے سے انتہائی اہمیت کا حامل ہے۔ذرائع کے مطابق بھارت ایشیا کپ میں اپنے میچز نیوٹرل وینیوز پر کھیلنے کو تیار ہے۔ بھارتی بورڈ کا کہنا ہے کہ ایشین کرکٹ کونسل بھارت

کے بغیر ایشیا کپ کروانا چاہے تو کرواسکتی ہے۔ جبکہ پی سی بی کا اس حوالے سے کہنا ہے کہ بھارت کے حوالے سے حتمی فیصلہ ایشین کرکٹ کونسل کرے گی۔پی سی بی کے چیف ایگزیکٹیو وسیم خان نے کہاکہ بھارت کے حوالے سے ایشین کرکٹ کونسل کا فیصلہ قبول کریں گے۔ بھارتی ٹیم ایشیا کپ میں شرکت کیلئے نہیں آئے گی تو 2021 میں بھارت ہونے والے ٹی ٹونٹی ورلڈ کپ میں ہماری ٹیم بھی نہیں جائے گی۔

موضوعات:بھارتی کرکٹ بورڈ