ڈھاکہ( آن لائن )دورہ پاکستان میں بنگلا دیش کا اپنا سکیورٹی وفد بھی سکواڈ کے ہمراہ ہوگا۔بنگلا دیشی بورڈ اپنے کرکٹر کا حوصلہ بڑھانے میں مصروف ہے، بی سی بی کے صدر نظم الحسن نے تربیتی کیمپ کے پہلے روز کرکٹرز سے ملاقات میں انہیں بتایا کہ بنگلا دیشی نیشنل سکیورٹی ایجنسی کے اہلکار اور ڈی جی ایف آئی بھی سکواڈ کے ہمراہ ہوں گے۔نظم الحسن نے کہا کہ اس میں کوئی شک نہیں کہ پاکستان سکیورٹی کے لیے ہر ممکن اقدامات اٹھا رہا ہے،انہوں نے اپنے تمام

تر سکیورٹی پلان سے ہمیں آگاہ بھی کیا ہے تاہم اس کے باوجود ہمارا اپنا سکیورٹی وفد بھی صورتحال پر نظر رکھنے کے لئے موجود ہوگا، نظم الحسن نے بتایا کہ میں خود بھی پاکستان میں کھلاڑیوں کو جوائن کر لوں گا، پوری امید ہے کہ کوئی مسائل نہیں ہوں گے۔یاد رہے کہ پاکستان اور بنگہ دیش کے مابین تین ٹی ٹونٹی میچز کی سیریز 24 سے27 جنوری تک قذافی سٹیڈیم،لاہور میں کھیلی جائے گی، سیریز کے لیے دونوں ٹیموں کی جانب سے اپنے اپنے سکواڈز کا اعلان کیا جاچکا ہے-‎

موضوعات:بنگلادیش کرکٹ بورڈ