کراچی(این این آئی)سری لنکن کرکٹ ٹیم کے کپتان کرونارتنے نے کہاہے کہ پاکستان محفوظ ملک ہے اور سیکیورٹی بھی بہت اچھی ہے، یہاں ہمیں گھر جیسا ماحول ملا۔دوسرے ٹیسٹ میچ میں شکست کے بعد میڈیا سے گفتگو کرتے ہوئے سری لنکن ٹیم کے کپتان نے کہاکہ پہلے 2دن اچھا کھیلا پھر ہم اچھا کھیل پیش نہ کرسکے، پاکستان ٹیم سے عابد علی نے
شاندار بیٹنگ کا مظاہرہ کیا، ہمیں معلوم تھا کہ انہیں رنز کی بھوک تھی۔انہوں نے کہا کہ دیگر ٹیمیں ٹیسٹ، ون ڈے اور ٹی20 کھیلنے یہاں آئیں، نسیم شاہ کم عمری میں بھی بہت میچور بائولنگ کررہا تھا، بابراعظم بہت زبردست کرکٹر ہے، عابد علی بہت محنتی ہے، محنت اس کی بیٹنگ میں نظر آتی ہے۔کرونارتنے نے کہاکہ ہمارے کرکٹرز میں تجربے کی کمی رہی، ٹیسٹ صبر وتحمل کا کھیل ہے۔
