ورلڈکپ ٹرافی انگلینڈ اور نیوزی لینڈ کے درمیان شیئر کرنا چاہیے تھی، نسیم اشرف

  بدھ‬‮ 17 جولائی‬‮ 2019  |  15:10

واشنگٹن(آن لائن) سابق چیئرمین پی سی بی ڈاکٹر نسیم اشرف نے کہا ہے کہ ورلڈکپ ٹرافی انگلینڈ اور نیوزی لینڈ کے درمیان شیئر کرنا چاہیے تھی۔ میڈیا سے گفتگو کرتے ہوئے انھوں نے سوال اٹھایاکہ عالمی چیمپئن کا فیصلہ باؤنڈریز پر کیسے کیا جا سکتا ہے؟ یہ کوئی اسکول ٹورنامنٹ نہیں تھا،آئی سی سی کو اس بدانتظامی کی ذمہ داری قبول کرتے ہوئے دنیائے کرکٹ سے معافی مانگنی چاہیے۔انھوں نے ورلڈکپ کی ڈریم ٹیم میں کسی پاکستانی کھلاڑی کو بھی شامل نہ کرنے پر افسوس کا اظہار کرتے ہوئے کہا کہ بابر اعظم،محمد عامر اور شاہین شاہ آفریدی میں سے کسی


کو بھی منتخب کیا جا سکتا تھا، تینوں نے ایونٹ میں عمدہ کھیل پیش کیا تھا۔

موضوعات:

loading...