دبئی (این این آئی)سابق عالمی چمپئن سری لنکا اور بنگلہ دیش کی ٹیمیں 2020ء میں شیڈول ورلڈ ٹی ٹونٹی کپ سپر 12 راؤنڈ میں براہ راست جگہ بنانے میں کامیاب نہ ہوسکیں ، دونوں ٹیموں کو سپر 12 راؤنڈ تک رسائی کیلئے اضافی راؤنڈ کا مرحلہ عبور کرنا ہو گا جس میں ان کا مقابلہ ورلڈ ٹی ٹونٹی کوالیفائرز کی دیگر 6 ٹیموں سے ہو گا، گروپ مرحلہ 18 اکتوبر سے 15 نومبر 2020ء تک کھیلا جائے گا۔ انٹرنیشنل کرکٹ کونسل کے مطابق ٹاپ رینکڈ پاکستان، بھارت، انگلینڈ، آسٹریلیا، جنوبی افریقہ، نیوزی لینڈ، ویسٹ انڈیز اور افغانستان کی ٹیمیں براہ راست
سپر 12 راؤنڈ سے ٹائٹل مہم کا آغاز کریں گی۔ رینکنگ میں نچلے نمبرز پر ہونے کی وجہ سے سری لنکا اور بنگلہ دیش کی ٹیمیں براہ راست سپر 12 راؤنڈ میں جگہ بنانے سے محروم رہیں۔ دونوں ٹیموں کو سپر 12 راؤنڈ تک رسائی کیلئے انہیں ورلڈ ٹی ٹونٹی کوالیفائر ٹورنامنٹ کی دیگر 6 ٹیموں کے خلاف گروپ مرحلے میں مقابلہ کرنا ہو گا۔ گروپ مرحلہ 18 اکتوبر سے 15 نومبر 2020ء تک کھیلا جائے گا۔