آکلینڈ(آئی ا ین پی)پاکستان سپر لیگ کی ڈرافٹنگ رواں ماہ 20 نومبر کو اسلام آباد میں ہونے جارہی ہے۔ ایسے میں اسلام آباد یونائیٹڈ کی نمائندگی کرنے والے جارح مزاج کیوی وکٹ کیپر بلے باز لیوک رونکی نے پاکستان آنے کا اعلان کردیا۔تفصیلات کے مطابق کسی بھی بولنگ لائن اپ کو تہس نہس کرنے کی صلاحیت رکھنے والے اسلام آباد یونائیٹڈ کے بلے باز لیوک رونکی کی ویڈیو اسلام آباد یونائیٹڈ کے آفیشل اکانٹ سے جاری کی گئی ہے، اس ویڈیو پیغام میں رونکی کا کہنا ہے کہ وہ پی ایس ایل ڈرافٹ کے لئے 20 نومبر کو اسلام آباد آ رہاہوں۔

ان کا کہنا ہے کہ وہ اپنی ٹیم کے ساتھ ہیں اور بہت پرجوش ہیں کہ مزید کون کونسے کھلاڑی اس بار ٹیموں کا حصہ بنیں گے۔ذرائع کے مطابق اس بات کا امکان ہے کہ مصباح الحق کی بحیثیت کھلاڑی اور جے پی ڈومینی کی عدم موجودگی میں لیوک رونکی کو کپتان مقرر کیا جائے گا اور اسی لئے انھیں ٹیم کے انتخاب کے لئے بھی بلایا گیا ہے۔واضح رہ اسلام آباد یونائیٹڈ نے اس بات کی تردید کرتے ہوئے کہا ہے کہ کپتان کا اعلان ڈرافٹ کے بعد ہی کیا جائے گا۔ ابھی اس حوالے سے کوئی بھی فیصلہ نہیں کیا گیا ہے۔