اسلام آباد(مانیٹرنگ ڈیسک)لاہور قلندر بمقابلہ اسلام آباد یونائیٹڈ میچ کا گزشتہ رات نتیجہ آچکا ہے اور اسلام آباد یونائیٹڈ نے ایک سنسنی خیز مقابلے کے بعد لاہور قلندر کو شکست دیدی ہے۔ میچ کے بعد لاہور قلندر کی ٹیم مینجمنٹ کی جانب سے میچ میں امپائرنگ کے معیار پر سوال اٹھا دیا گیا ہے۔ لاہور قلندر کے ٹیم منیجر ثمین رانا نے میچ کے بعد میڈیاکانفرنس میں بات کرتے ہوئے کہا کہ لاہور قلندر کے بیٹسمین فخر زمان جب ایل بی ڈبلیو آئوٹ قرار دئیے گئے تو

انہوں نے فیصلے پر ریویو مانگا ، امپائرز نے فخر زمان کو ریویو لینے سے روکا جس کی وجہ سے لاہور قلندر کو میچ کے دوران بڑا نقصان اٹھانا پڑا۔ ان کا کہنا تھا کہ فخر زمان نے اپنے ایل بی ڈبلیو کے فیصلے کو چیلنج کرنے کا اشارہ کیا تو امپائرز نے انہیں بتایا کہ ان کے پاس اب کوئی ریویو نہیں بچا ہے ،جب ہم نے انہیں ریویو سسٹم کے قوانین کے بارے میں آگا ہ کیا تو انہوں نے مانا کہ ہمارے پاس ایک ریویو موجود تھا تاہم اس وقت تک فخر زمان گراؤنڈ چھوڑکر جا چکے تھے۔

موضوعات:اسلام آباد یونائیٹڈ پی ایس ایل تھرڈ ایڈیشن ثمین رانا فخر زمان لاہور قلندر