لاہور(آئی این پی) ویمنز کرکٹ ٹیم کی کپتان ثنا میر کا بڑا فیصلہ سامنے آگیا ہے۔کپتان نے نیوزی لینڈ کیخلاف کیمپ جوائن کرنے سے انکار کردیا۔ثنا میرنے دورہ نیوزی لینڈ کیلئے طلب کردہ چھبیس کھلاڑیوں کے نام ای میل کی ہے۔ای میل میں کھلاڑیوں کو مخاطب کیا گیاہے۔ ثناء میر کی ای میل کی کاپی میڈیا پر وائرل ہے۔ثنامیرکاکہناہے کہ ٹیم مینجمنٹ کھلاڑیوں کی عزت اور احترام پر
سمجھوتہ کرتی ہے۔ ثنا میرنے کہاکہ اس وقت تک کام نہیں کریں گی جب تک معاملات بہتر نہ ہو جائیں ۔ویمنز کرکٹ ٹیم کی کپتان ثنا میرنے بڑا فیصلہ کرتے ہوئے نیوزی لینڈ کیخلاف کیمپ جوائن کرنے سے انکارکردیاہے۔ ثنا میرنے بتایاکہ اپنے تحفظات سے بورڈ کی ٹاپ مینجمنٹ کو آگاہ کر دیا ہے۔ادھر ثنا میر کی ای میل پرجنرل منیجر پی سی بی ویمن ونگ شمسہ ہاشمی برہم ہوگئی ہیں۔
انھوں نے ثنا میر کو شوکاز دینے سمیت پابندی لگوانے کیلئے بورڈ حکام سے رابطہ کیاہے۔ثنا میر کی ای میل کو شمسہ ہاشمی بغاوت قرار دینے پرتل گئیں۔
