کیپ ٹائون (این این آئی) جنوبی افریقہ کے آل راونڈر جے پی ڈومینی نے ٹیسٹ کرکٹ سے ریٹائرمنٹ کا اعلان کر دیا ٗآل راونڈر ایک روزہ اور ٹی ٹوئنٹی کھیلتے رہے گے۔غیر ملکی میڈیا رپورٹس کے مطابق ڈومینی نے اپنے بیان میں کہا کہ وہ ٹیسٹ کرکٹ سے ریٹائرمنٹ لے رہے ہیں تاہم ون ڈے اور ٹی ٹوئنٹی میچز کھیلتے رہیں گے۔ 33 سالہ ڈومینی نے کہا کہ طویل غور و فکر کے بعد میں نے ریٹائرمنٹ کا فیصلہ کیا ہے ٗ میں فوری طور

پر ٹیسٹ کرکٹ اور فرسٹ کلاس کرکٹ سے ریٹائر ہو رہا ہوں۔واضح رہے کہ ڈومینی نے 2008 میں آسٹریلیا کے خلاف ٹیسٹ ڈیبیو کیا تھا۔ 46 ٹیسٹ میچز میں ڈومینی نے 2103 رنز اور 42 وکٹیں حاصل کر رکھی۔ ڈومینی نے جنوبی افریقا کے لیے اپنا آخری ٹیسٹ میچ رواں برس جولائی میں انگلینڈ کے خلاف لارڈز میں کھیلا تھا جس کے بعد انہیں ٹیم سے ڈراپ کر دیا گیا تھا۔

موضوعات:ڈومینی